ESTUDO DE CUSTOS VACÚN DE CARNE

ANO 2025

Sobre o informe

Este informe presenta os resultados técnico-económicos correspondentes ao ano 2025 das 17 explotacións de vacún de carne integradas na Rede Galega de Granxas Modelo. Trátase do terceiro estudo anual elaborado no marco da Rede, despois dos realizados para os exercicios 2023 e 2024.

As explotacións analizadas responden ao modelo produtivo definido polo Grupo Operativo para o vacún de carne en Galicia: granxas familiares de vacas nutrices, de dimensión pequena ou mediana, nas que os becerros nacen, se crían e ceban na propia explotación. O estudo non pretende abranguer toda a diversidade existente en Galicia, senón ofrecer unha referencia técnico-económica sobre o funcionamento deste tipo de granxas.

Os resultados obtivéronse a partir da información facilitada polas persoas gandeiras, da revisión da documentación técnico-económica e da aplicación dun protocolo común de recollida e tratamento dos datos. A información recompilada permite analizar de maneira conxunta a produción, os ingresos, os custos e a remuneración do traballo propio.

O informe ten unha dobre finalidade. Por unha parte, permite coñecer o custo de produción e os resultados económicos medios das granxas da Rede. Por outra, pretende converter estes datos nunha ferramenta útil para a xestión, identificando os aspectos produtivos e as partidas de gasto que teñen maior influencia sobre a rendibilidade e a renda dispoñible das persoas propietarias.

Ademais das granxas de vacas nutrices, a Rede inclúe tres cebadeiros cun modelo produtivo diferente. Os seus resultados preséntanse de forma separada no anexo, para non mesturar sistemas de produción con estruturas de ingresos e custos distintas.

informes relacionados

Solicitude de descarga de informe

Podes descargar o informe

Gracias por cumplimentar os datos.

Accede agora á descarga do informe: