Rede de explotacións gandeiras de Galicia
O Grupo Operativo Rede de Granxas Modelo estableceu unha serie de elementos clave que permiten caracterizar e distinguir este sector respecto doutros modelos produtivos a nivel estatal. A partir destes criterios, nunha fase posterior podería seleccionarse un conxunto de granxas representativas sobre as que recoller información técnico-económica que permita facer un seguimento da situación do sector.
A explotación avícola típica en Galicia adoita ser de gran tamaño. Non emprega, salvo en determinados tipos de producións, terreo agrícola e conta cun censo duns 60-90 mil aves, sendo predominante a cría de polos sobre a produción de ovos. Este modelo de explotación é capaz de xerar unha facturación anual que rolda entre os 300.000 e os 600.000€.
Relevancia sectorial: Galicia representa o 13% das aves e 18% das explotacións profesionais de España.
